Maykl Kerrik bosh murabbiy etib tayinlanganidan beri «Manchester Yunayted» APLda bir qator grand klublarni mag‘lub etishga muvaffaq bo‘ldi.
Mankunianliklar uning qo‘l ostida «Manchester Siti» (2:0), «Arsenal» (3:2), «Aston Villa» (3:1), «Chelsi» (1:0) va «Liverpul» (3:2) kabi jamoalar ustidan g‘alaba qozonishdi.
Eslatib o‘tamiz, Kerrik yanvar oyida mavsum yakuniga qadar vaqtinchalik bosh murabbiy sifatida jamoani qabul qilib olgan edi. Hozirda jamoa turnir jadvalida uchinchi o‘rinni egallab turibdi va kelasi mavsum uchun Chempionlar ligasi yo‘llanmasini naqd qilib bo‘lgan.
