«Bavariya» 2026/27 yilgi mavsum uchun mo‘ljallangan uy liboslari to‘plamini namoyish qildi.
Adidas tomonidan tayyorlangan ushbu to‘plam an’anaviy qizil rangda bo‘lib, unda vertikal chiziqlar, oq detallar va yoqa qismida oltin rangli ishlovlar aks etgan. Darvozabonlar libosi esa to‘q sariq rangda bo‘lib, uning yon qismlari abstrakt naqshlar bilan bezatilgan.
«Bavariya» ilk bor ushbu yangi libosda chorshanba kuni Myunxenda bo‘lib o‘tadigan Chempionlar ligasi yarim final javob bahsida «PSJ»ga qarshi maydonga tushadi.
