«Liverpul»ning sobiq hujumchisi Piter Krauch klub «Barselona» forvardi Robert Levandovskini erkin agent sifatida o‘z safiga qo‘shib olish variantini ko‘rib chiqishi kerak deb hisoblaydi.

Krauchning fikricha, «Liverpul»ning hujum chizig‘ida jiddiy muammolar mavjud: Aleksander Isak jarohati sababli mavsumning katta qismini o‘tkazib yubordi, Ugo Ekitike esa axill payi uzilishi tufayli uzoq muddatga safdan chiqdi. Muhammad Salohning jamoani tark etishi hujumdagi vaziyatni yanada og‘irlashtirdi.

«Bu «Liverpul» uchun yaxshi xarid bo‘lgan bo‘lardi. U — dunyo darajasidagi o‘yinchi. Ha, u yosh emas, lekin hali ham natija ko‘rsatishga qodir», — deya Krauchning so‘zlarini keltiradi Four-Four-Two nashri.

37 yoshli hujumchining Kataloniya klubi bilan shartnomasi 30 iyunga qadar amal qiladi va hozircha tomonlardan hech biri uni uzaytirish borasida e’lon bergani yo‘q.