«Ливерпуль»нинг собиқ ҳужумчиси Питер Крауч клуб «Барселона» форварди Роберт Левандовскини эркин агент сифатида ўз сафига қўшиб олиш вариантини кўриб чиқиши керак деб ҳисоблайди.

Краучнинг фикрича, «Ливерпуль»нинг ҳужум чизиғида жиддий муаммолар мавжуд: Александер Исак жароҳати сабабли мавсумнинг катта қисмини ўтказиб юборди, Уго Экитике эса ахилл пайи узилиши туфайли узоқ муддатга сафдан чиқди. Муҳаммад Салоҳнинг жамоани тарк этиши ҳужумдаги вазиятни янада оғирлаштирди.

«Бу «Ливерпуль» учун яхши харид бўлган бўларди. У — дунё даражасидаги ўйинчи. Ҳа, у ёш эмас, лекин ҳали ҳам натижа кўрсатишга қодир», — дея Краучнинг сўзларини келтиради Four-Four-Two нашри.

37 ёшли ҳужумчининг Каталония клуби билан шартномаси 30 июнга қадар амал қилади ва ҳозирча томонлардан ҳеч бири уни узайтириш борасида эълон бергани йўқ.