Angliya Premyer-ligasining «Brayton» klubi bosh murabbiy Fabian Xyurseler bilan amaldagi kelishuvni uzaytirishga qaror qildi. Bu haqda Sky Sport jurnalisti Florian Plettenberg xabar bermoqda.
Manbaga ko‘ra, «chaykalar» rahbariyati 33 yoshli germaniyalik mutaxassisning ishidan to‘liq qanoat hosil qilmoqda. Leverkuzenning «Bayer» klubi tomonidan bo‘layotgan qiziqishlarga qaramay, tomonlar yangi uzoq muddatli shartnoma borasida kelishuvga erishgan va barcha zarur hujjatlarni imzolab bo‘lishgan. Tez orada klub bu haqda rasmiy bayonot berishi kutilmoqda.
Ma’lumot uchun, Fabian Xyurseler 2024 yilning iyul oyidan buyon «Brayton»ni boshqarib kelmoqda. O‘tgan davr mobaynida jamoa uning qo‘l ostida jami 85 ta o‘yin o‘tkazib, 37 g‘alaba, 24 durang va 24 mag‘lubiyat qayd etdi.
Ayni paytda «Brayton» APLning 35-turidan so‘ng turnir jadvalida 8-o‘rinni egallab turibdi.
