Londonning «Chelsi» klubi APL doirasida ketma-ket 6 ta o‘yinda mag‘lubiyatga uchrab, antirekord qayd etdi.
Bugun APLning 35-turida «Nottingem Forest»dan qabul qilingan mag‘lubiyat (1:3) ushbu qora seriyaning davomi bo‘ldi. Bungacha «ko‘klar» quyidagi jamoalarga imkoniyatni boy berishgan edi: «Nyukasl» (0:1), «Everton» (0:3), «Manchester Siti» (0:3), «Manchester Yunayted» (0:1) va «Brayton» (0:3).
Londonliklar milliy birinchilikda oxirgi marta 1993 yilning noyabr oyida bunday muvaffaqiyatsiz seriyani (ketma-ket 6 mag‘lubiyat) boshdan kechirishgan edi. Oradan 33 yil o‘tib, jamoa yana shunday og‘ir holatga tushib qoldi.
