Лондоннинг «Челси» клуби АПЛ доирасида кетма-кет 6 та ўйинда мағлубиятга учраб, антирекорд қайд этди.

Бугун АПЛнинг 35-турида «Ноттингем Форест»дан қабул қилинган мағлубият (1:3) ушбу қора сериянинг давоми бўлди. Бунгача «кўклар» қуйидаги жамоаларга имкониятни бой беришган эди: «Ньюкасл» (0:1), «Эвертон» (0:3), «Манчестер Сити» (0:3), «Манчестер Юнайтед» (0:1) ва «Брайтон» (0:3).

Лондонликлар миллий биринчиликда охирги марта 1993 йилнинг ноябрь ойида бундай муваффақиятсиз серияни (кетма-кет 6 мағлубият) бошдан кечиришган эди. Орадан 33 йил ўтиб, жамоа яна шундай оғир ҳолатга тушиб қолди.