«Nottingem Forest» bosh murabbiyi Vitor Pereyra Angliya chempionatining 35-turi doirasida «Chelsi»ga qarshi kechgan uchrashuv yakunlari haqida to‘xtaldi. Uning shogirdlari safarda poytaxt klubini 3:1 hisobida mag‘lub etdi.

«Afsus qiladigan yagona narsam — Morgan Gibbs-Uaytning jarohati. Men aytgandimki, biz futbolchilarni o‘zgartirishimiz mumkin, ammo ruhiyatimiz o‘zgarmas qoladi va biz 3 ochko uchun kurashamiz. Kelajagimiz o‘z qo‘limizda bo‘lishini istaymiz, buning uchun esa o‘yinlarda g‘alaba qozonish shart», — deya murabbiyning so‘zlarini keltiradi Sky Sports.

«Bugun futbolchilar o‘z mahoratlari va tartibli o‘yinlarini yana bir bor isbotlashdi. Shogirdlarim va muxlislarimiz uchun juda xursandman. Biz yana bir bor kuchli irodani va tarkibimiz o‘ziga xos ekanligini ko‘rsatdik. To‘rtta turli murabbiy, ularning uslublari va taktik talablariga moslashish oson emas. Bunday vaziyatda birdamlik va do‘stlikni saqlab qolish qiyin. Bu jamoa faoliyatim davomida ishlagan eng yaxshi jamoalarimdan biridir», — deb ta’kidladi Pereyra.

Ayni damda «Nottingem Forest» 42 ochko bilan turnir jadvalida 16-o‘rinni egallab turibdi. «Chelsi» esa 48 ochko bilan to‘qqizinchi pog‘onada qayd etilgan.