«Ноттингем Форест» бош мураббийи Витор Перейра Англия чемпионатининг 35-тури доирасида «Челси»га қарши кечган учрашув якунлари ҳақида тўхталди. Унинг шогирдлари сафарда пойтахт клубини 3:1 ҳисобида мағлуб этди.

«Афсус қиладиган ягона нарсам — Морган Гиббс-Уайтнинг жароҳати. Мен айтгандимки, биз футболчиларни ўзгартиришимиз мумкин, аммо руҳиятимиз ўзгармас қолади ва биз 3 очко учун курашамиз. Келажагимиз ўз қўлимизда бўлишини истаймиз, бунинг учун эса ўйинларда ғалаба қозониш шарт», — дея мураббийнинг сўзларини келтиради Sky Sports.

«Бугун футболчилар ўз маҳоратлари ва тартибли ўйинларини яна бир бор исботлашди. Шогирдларим ва мухлисларимиз учун жуда хурсандман. Биз яна бир бор кучли иродани ва таркибимиз ўзига хос эканлигини кўрсатдик. Тўртта турли мураббий, уларнинг услублари ва тактик талабларига мослашиш осон эмас. Бундай вазиятда бирдамлик ва дўстликни сақлаб қолиш қийин. Бу жамоа фаолиятим давомида ишлаган энг яхши жамоаларимдан биридир», — деб таъкидлади Перейра.

Айни дамда «Ноттингем Форест» 42 очко билан турнир жадвалида 16-ўринни эгаллаб турибди. «Челси» эса 48 очко билан тўққизинчи поғонада қайд этилган.