«Arsenal» bosh murabbiyi Mikel Arteta Madridning «Atletiko» jamoasiga qarshi bahs oldidan o‘tkazilgan matbuot anjumanida ishtirok etdi. Javob uchrashuvi 5 may kuni bo‘lib o‘tadi, dastlabki o‘yinda esa 1:1 hisobi qayd etilgan edi.
«Men bu lahzalarni intiqlik bilan kutyapman. Jamoa ichida va muxlislarimiz orasida katta energiyani his qilyapman. Bu biz birgalikda boshdan kechirishni istagan lahzalardir. Klub va jamoa sifatida oradan 20 yil o‘tib, yana shu bosqichga qaytish uchun ulkan hajmdagi ishni amalga oshirdik. Biz o‘zimizga kerakli o‘yinni ko‘rsatishga va finalga chiqishga chanqoqmiz», — deya «to‘pchilar» ustozining so‘zlaridan iqtibos keltirmoqda UEFA rasmiy sayti.
