«Арсенал» бош мураббийи Микель Артета Мадриднинг «Атлетико» жамоасига қарши баҳс олдидан ўтказилган матбуот анжуманида иштирок этди. Жавоб учрашуви 5 май куни бўлиб ўтади, дастлабки ўйинда эса 1:1 ҳисоби қайд этилган эди.
«Мен бу лаҳзаларни интиқлик билан кутяпман. Жамоа ичида ва мухлисларимиз орасида катта энергияни ҳис қиляпман. Бу биз биргаликда бошдан кечиришни истаган лаҳзалардир. Клуб ва жамоа сифатида орадан 20 йил ўтиб, яна шу босқичга қайтиш учун улкан ҳажмдаги ишни амалга оширдик. Биз ўзимизга керакли ўйинни кўрсатишга ва финалга чиқишга чанқоқмиз», — дея «тўпчилар» устозининг сўзларидан иқтибос келтирмоқда УЕФА расмий сайти.
