«Milan» jamoasining qanot hujumchisi Rafael Leau faoliyatini «Bavariya»da davom ettirishi mumkin. Bu haqda TUTTOmercatoWEB nashri xabar bermoqda.

Manba bergan ma’lumotlarga ko‘ra, Germaniya grandi portugaliyalik vingerni yozgi transfer oynasida sotib olishni rejalashtirgan. Xabar qilinishicha, kelishuv summasi 60 million yevroni tashkil etishi mumkin.

Joriy mavsumda 26 yoshli Leau barcha musobaqalarda jami 29 ta o‘yinda maydonga tushib, raqiblar darvozasiga 10 ta gol urdi va 3 ta golli uzatmaga mualliflik qildi. Leauning «Milan» bilan amaldagi shartnomasi 2028 yilning o‘rtalarigacha mo‘ljallangan. Transfermarkt ekspertlari futbolchining bozor qiymatini 65 million yevroga baholamoqda.