«Милан» жамоасининг қанот ҳужумчиси Рафаэл Леау фаолиятини «Бавария»да давом эттириши мумкин. Бу ҳақда TUTTOmercatoWEB нашри хабар бермоқда.
Манба берган маълумотларга кўра, Германия гранди португалиялик вингерни ёзги трансфер ойнасида сотиб олишни режалаштирган. Хабар қилинишича, келишув суммаси 60 миллион еврони ташкил этиши мумкин.
Жорий мавсумда 26 ёшли Леау барча мусобақаларда жами 29 та ўйинда майдонга тушиб, рақиблар дарвозасига 10 та гол урди ва 3 та голли узатмага муаллифлик қилди. Леаунинг «Милан» билан амалдаги шартномаси 2028 йилнинг ўрталаригача мўлжалланган. Transfermarkt экспертлари футболчининг бозор қийматини 65 миллион еврога баҳоламоқда.
