«Bavariya» bosh murabbiyi Vensan Kompani Chempionlar ligasi yarim finali doirasidagi «PSJ»ga qarshi javob uchrashuvi oldidan birinchi o‘yindagi kabi ochiq futbol kutayotgani haqidagi savolga javob berdi. Eslatib o‘tamiz, dastlabki bahs Fransiya klubining 5:4 hisobidagi g‘alabasi bilan yakunlangan edi. Ikkinchi o‘yin ertaga, 6 may kuni Myunxenda bo‘lib o‘tadi.

«Bu doim jamoalarga bog‘liq. Agar ulardan biri chekinishga va ko‘proq himoyalanishga qaror qilsa, o‘yinda nisbatan xotirjam fazalar bo‘lishi mumkin. Ammo qaysidir jamoa o‘zlarini shu bosqichgacha olib kelgan asosiy uslubini o‘zgartirishini tasavvur qilish qiyin. Biz o‘z uyimizda o‘ynayapmiz, g‘alaba qozonishni istaymiz va buning uchun bor kuchimizni ishga solamiz.

Bizning vazifamiz — o‘yinlarda g‘alaba qozonish. Bizda bu maqsadga erishishda yordam beradigan g‘oyalar bor. Gap faqat shunda. Biz ko‘plab o‘yinlarda g‘alaba qozona olishimizni ko‘rsatdik, «PSJ» ham buni isbotladi. Yakunda, zafar quchish uchun raqibdan bitta ko‘proq gol urish kerak. Agar buni gol o‘tkazib yubormasdan amalga oshira olsangiz — bu sodir bo‘lishi mumkin bo‘lgan eng yaxshi natijadir», — deya Kompanining so‘zlarini iqtibos keltiradi Bayern & Germany ijtimoiy tarmoqdagi X sahifasida.