«Arsenal» Londonda «Atletiko» ustidan g‘alaba qozonib (1:0), Chempionlar ligasi finaliga yo‘l oldi. Dastlabki uchrashuv 1:1 hisobidagi durang bilan yakunlangan edi, javob bahsi va umuman qarama-qarshilik taqdirini Bukayo Saka tomonidan kiritilgan gol hal qildi. «Matraschilar» ikkinchi bo‘limda ustunlikka ega bo‘lishdi, biroq David Rayya darvozasiga yo‘l topa olishmadi.

Shu tariqa, «kanonirlar» musobaqadagi 14 ta o‘yinda atigi 6 ta gol o‘tkazib yuborgan holda finalga qadar yetib kelishdi. Bu turnirdagi mutlaq eng yaxshi ko‘rsatkichdir: ikkinchi o‘rinda Kiprning «Pafos» jamoasi (11 ta gol) qayd etilgan bo‘lib, ular umumiy bosqich yakunlariga ko‘ra 26-o‘rinni egallab, pley-offga chiqa olishmagan edi. Ma’lumot uchun, «Atletiko» gol o‘tkazish bo‘yicha oxiridan ikkinchi o‘rinda bormoqda — 27 ta gol. «Arsenal» bilan o‘rtadagi farq hayratlanarli darajada katta.