«Арсенал» Лондонда «Атлетико» устидан ғалаба қозониб (1:0), Чемпионлар лигаси финалига йўл олди. Дастлабки учрашув 1:1 ҳисобидаги дуранг билан якунланган эди, жавоб баҳси ва умуман қарама-қаршилик тақдирини Букайо Сака томонидан киритилган гол ҳал қилди. «Матрасчилар» иккинчи бўлимда устунликка эга бўлишди, бироқ Давид Райя дарвозасига йўл топа олишмади.

Шу тариқа, «канонирлар» мусобақадаги 14 та ўйинда атиги 6 та гол ўтказиб юборган ҳолда финалга қадар етиб келишди. Бу турнирдаги мутлақ энг яхши кўрсаткичдир: иккинчи ўринда Кипрнинг «Пафос» жамоаси (11 та гол) қайд этилган бўлиб, улар умумий босқич якунларига кўра 26-ўринни эгаллаб, плей-оффга чиқа олишмаган эди. Маълумот учун, «Атлетико» гол ўтказиш бўйича охиридан иккинчи ўринда бормоқда — 27 та гол. «Арсенал» билан ўртадаги фарқ ҳайратланарли даражада катта.