Londonning «Arsenal» klubi markaziy himoyachisi Vilyam Saliba jamoasi Chempionlar ligasi finaliga yo‘l olganidan so‘ng intervyu berdi. Seshanba kuni «kanonirlar» Londonda bo‘lib o‘tgan yarim final javob uchrashuvida Bukayo Sakaning birinchi bo‘lim yakunidagi goli evaziga «Atletiko» ustidan minimal hisobda g‘alaba qozonishdi (ikki o‘yin natijasiga ko‘ra — 2:1).
«Oldinda bizni to‘rtta final kutmoqda — biz ularning barchasida g‘alaba qozonishni istaymiz. Buni uddalay olishimizga ishonchim komil», — deya Salibaning so‘zlarini keltiradi jurnalist Fabrisio Romano.
