«Arsenal» jamoasi bosh murabbiyi Mikel Arteta Bukayo Sakaning goli haqida fikr bildirdi. Aynan ushbu gol jamoani Chempionlar ligasi finaliga olib chiqdi. Yaqindagina jiddiy jarohatdan forig‘ bo‘lgan angliyalik vinger «Atletiko»ga qarshi kechgan yarim final javob uchrashuvining (1:0) 44-daqiqasida raqib darvozasini ishg‘ol qildi.
«Matraschilar» ikki o‘yin natijasiga ko‘ra 2:1 hisobida oldinga chiqib olgan «kanonirlar»ga javob qaytara olishmadi.
«Bu golni kimdir alohida (maxsus) futbolchi urishi kerak edi. Bukayo esa shubhasiz men uchun ham, klubdagi barcha uchun ham xuddi shunday insondir. Agar kimdir bu golni urishi kerak bo‘lsa, bu aynan Saka bo‘lishi lozim edi», — dedi Arteta jurnalistlar bilan suhbatda.
