«Арсенал» жамоаси бош мураббийи Микель Артета Букайо Саканинг голи ҳақида фикр билдирди. Айнан ушбу гол жамоани Чемпионлар лигаси финалига олиб чиқди. Яқиндагина жиддий жароҳатдан фориғ бўлган англиялик вингер «Атлетико»га қарши кечган ярим финал жавоб учрашувининг (1:0) 44-дақиқасида рақиб дарвозасини ишғол қилди.
«Матрасчилар» икки ўйин натижасига кўра 2:1 ҳисобида олдинга чиқиб олган «канонирлар»га жавоб қайтара олишмади.
«Бу голни кимдир алоҳида (махсус) футболчи уриши керак эди. Букайо эса шубҳасиз мен учун ҳам, клубдаги барча учун ҳам худди шундай инсондир. Агар кимдир бу голни уриши керак бўлса, бу айнан Сака бўлиши лозим эди», — деди Артета журналистлар билан суҳбатда.
