Germaniya terma jamoasi va Madridning «Real» klubi sobiq yarim himoyachisi Toni Kroos «qirollik klubi»ga qaytishi mumkin. Bu haqda ijtimoiy tarmoqlardagi MadridXtra akkaunti xabar bermoqda.
Manbaning ma’lumotlariga ko‘ra, germaniyalik sobiq futbolchi «qaymoqranglilar» tuzilmasida ish boshlaydi. Kroos klub ichidagi strategik qarorlar bo‘yicha maslahatchi lavozimini egallaydi.
Eslatib o‘tamiz, Toni Kroos futbolchilik faoliyati davomida 2014 yildan 2024 yilgacha Madrid grandi sharafini himoya qilgan. Nemis futbolchisi «qirollik klubi» bilan birgalikda to‘rt bor Ispaniya La Ligasi chempioni bo‘lgan, shuningdek, besh marta UYEFA Chempionlar ligasi kubogini qo‘lga kiritgan. Germaniya terma jamoasi safida Toni 114 ta uchrashuv o‘tkazib, 17 ta gol urishga muvaffaq bo‘lgan.













