Германия терма жамоаси ва Мадриднинг «Реал» клуби собиқ ярим ҳимоячиси Тони Кроос «қироллик клуби»га қайтиши мумкин. Бу ҳақда ижтимоий тармоқлардаги MadridXtra аккаунти хабар бермоқда.
Манбанинг маълумотларига кўра, германиялик собиқ футболчи «қаймоқранглилар» тузилмасида иш бошлайди. Кроос клуб ичидаги стратегик қарорлар бўйича маслаҳатчи лавозимини эгаллайди.
Эслатиб ўтамиз, Тони Кроос футболчилик фаолияти давомида 2014 йилдан 2024 йилгача Мадрид гранди шарафини ҳимоя қилган. Немис футболчиси «қироллик клуби» билан биргаликда тўрт бор Испания Ла Лигаси чемпиони бўлган, шунингдек, беш марта УЕФА Чемпионлар лигаси кубогини қўлга киритган. Германия терма жамоаси сафида Тони 114 та учрашув ўтказиб, 17 та гол уришга муваффақ бўлган.
