«Opta» superkompyuteri Angliya Premyer-ligasida chempionlik uchun kurashda jamoalar imkoniyatlarini yangiladi. Bu haqda «Opta Analyst» xabar berdi.

35-tur doirasida «Arsenal» «Fulxem»ni 3:0 hisobida mag‘lub etdi, «Manchester Siti» esa «Everton» bilan 3:3 hisobida durang o‘ynadi.

Yangilangan hisob-kitoblarga ko‘ra, «Arsenal»ning chempionlik ehtimoli 86,35%ni tashkil qilmoqda, «Manchester Siti»niki esa — 13,65%.

Hozirda «Manchester Siti» Angliya chempionati jadvalida ikkinchi o‘rinni egallab turibdi. Jamoa 34 o‘yindan so‘ng 71 ochko to‘plagan. «Arsenal» esa 35 ta uchrashuvda 76 ochko jamg‘arib, peshqadam bo‘lib turibdi.

Qolgan turlarda «shaharliklar» «Brentford», «Kristal Pelas», «Bornmut» va «Aston Villa»ga qarshi maydonga tushadi. «Kanonirlar» esa «Vest Xem Yunayted», «Byornli» va «Kristal Pelas» bilan kuch sinashadi.