«Opta» суперкомпьютери Англия Премьер-лигасида чемпионлик учун курашда жамоалар имкониятларини янгилади. Бу ҳақда «Opta Analyst» хабар берди.

35-тур доирасида «Арсенал» «Фулхэм»ни 3:0 ҳисобида мағлуб этди, «Манчестер Сити» эса «Эвертон» билан 3:3 ҳисобида дуранг ўйнади.

Янгиланган ҳисоб-китобларга кўра, «Арсенал»нинг чемпионлик эҳтимоли 86,35%ни ташкил қилмоқда, «Манчестер Сити»ники эса — 13,65%.

Ҳозирда «Манчестер Сити» Англия чемпионати жадвалида иккинчи ўринни эгаллаб турибди. Жамоа 34 ўйиндан сўнг 71 очко тўплаган. «Арсенал» эса 35 та учрашувда 76 очко жамғариб, пешқадам бўлиб турибди.

Қолган турларда «шаҳарликлар» «Брентфорд», «Кристал Пэлас», «Борнмут» ва «Астон Вилла»га қарши майдонга тушади. «Канонирлар» эса «Вест Хэм Юнайтед», «Бёрнли» ва «Кристал Пэлас» билан куч синашади.