Afsonaviy portugaliyalik futbolchi Krishtianu Ronalduning o‘g‘li kichik Krishtianu Ronaldu faoliyatini Yevropada davom ettirishi mumkin. U otasi bilan «An-Nasr»da birga to‘p tepish istiqbolidan voz kechmoqchi. Bu haqda Goal.com nashri xabar bermoqda.
Manba bergan ma’lumotlarga ko‘ra, 15 yoshli hujumchi Yaqin Sharqdan tashqarida o‘z shaxsiy faoliyatini qurish uchun Yevropaning yetakchi akademiyalaridan birida rivojlanishga e’tibor qaratmoqchi. Yosh futbolchiga bir yo‘la bir nechta top-klublar, jumladan, Madridning «Real», Myunxenning «Bavariya» va «PSJ» jamoalari qiziqish bildirmoqda.
Kichik Ronaldu allaqachon xalqaro maydonda o‘zini ko‘rsatishga ulgurdi. U Portugaliya o‘smirlar terma jamoasi safida maydonga tushib, 17 yoshgacha bo‘lgan futbolchilar o‘rtasida Jahon chempioni bo‘ldi. Avvalroq u «Yuventus»ning o‘smirlar jamoasi safida 23 ta o‘yinda 58 ta gol, «An-Nasr» akademiyasida esa 27 ta o‘yinda 56 ta gol urgan edi.
