«Barselona» sobiq bosh murabbiyi Xavi Ernandes Angliya Premyer-ligasida o‘z kuchini sinab ko‘rmoqchi. Jurnalist Ben Jeykobsning xabar berishicha, «Chelsi» allaqachon Xavining atrofidagilar bilan aloqaga chiqqan.

Ta’kidlanishicha, murabbiyning o‘zi jamoani qabul qilib olishga tayyor, biroq ayni damda u «ko‘klar»ning nomzodlar ro‘yxatida birinchi o‘rinda emas. Manbaga ko‘ra, poytaxt klubi birinchi navbatda Xabi Alonso, Marku Silva va Andoni Iraola nomzodlarini ko‘rib chiqmoqda.

Avvalroq «Chelsi» jamoani atigi bir necha oy boshqargan Liam Rosinyorni iste’foga chiqargan edi. APLning 35 turi yakunlariga ko‘ra, «pensionerlar» 48 ochko bilan turnir jadvalida to‘qqizinchi o‘rinni egallab turishibdi.