«Барселона» собиқ бош мураббийи Хави Эрнандес Англия Премьер-лигасида ўз кучини синаб кўрмоқчи. Журналист Бен Жейкобснинг хабар беришича, «Челси» аллақачон Хавининг атрофидагилар билан алоқага чиққан.
Таъкидланишича, мураббийнинг ўзи жамоани қабул қилиб олишга тайёр, бироқ айни дамда у «кўклар»нинг номзодлар рўйхатида биринчи ўринда эмас. Манбага кўра, пойтахт клуби биринчи навбатда Хаби Алонсо, Марку Силва ва Андони Ираола номзодларини кўриб чиқмоқда.
Аввалроқ «Челси» жамоани атиги бир неча ой бошқарган Лиам Росиньорни истеъфога чиқарган эди. АПЛнинг 35 тури якунларига кўра, «пенсионерлар» 48 очко билан турнир жадвалида тўққизинчи ўринни эгаллаб туришибди.
