Himoyachi Konrad Laymerning «Bavariya»dagi kelajagi so‘roq ostida qolmoqda. Kicker nashrining xabariga ko‘ra, Laymer «Bavariya»da yuqori baholanadi, biroq klub uning shartnomasini faqat ish haqini sezilarli darajada oshirmasdan uzaytirishga rozi bo‘ladi.
Myunxenliklar futbolchi amaldagi shartnomasi yakunigacha o‘ynab, kerak bo‘lsa, erkin agent sifatida tekinga ketishiga ham e’tiroz bildirishmayapti. Klubdagi umumiy fikr shundan iboratki, Laymer avval uning moliyaviy talablarini qondira oladigan va sport darajasi bo‘yicha «Bavariya»ga teng keladigan jamoa topishi kerak bo‘ladi.
Laymerning «Bavariya» bilan amaldagi kelishuvi 2027 yilning 30 iyuniga qadar mo‘ljallangan.
