«Bavariya» o‘z maydonida «PSJ»ni mag‘lub eta olmadi — uchrashuv 1:1 hisobidagi durang bilan yakunlandi. Parijliklar ikki o‘yin natijasiga ko‘ra 6:5 hisobida g‘alaba qozonib, Chempionlar ligasi finaliga yo‘l olishdi. Javob o‘yinidan so‘ng «Bavariya» darvozaboni Manuel Noyer o‘z fikrlarini bildirdi.
«Menimcha, bugun hujumda bizga «qotil instinkti» yetishmadi. Vaziyatlarimiz bo‘ldi, lekin yaqqol golli imkoniyatlar u qadar ko‘p emas edi. Bunday lahzalar yuzaga kelganda... «PSJ»ga qarang — ular birinchi o‘yinda haqiqiy «qotillardek» harakat qilishdi. Bugun bizga aynan mana shu narsa yetishmadi.
Biz finalga yaqin edik, biroq ishni oxirigacha yetkaza olmadik. Afsuski, juda kech gol urdik. Yana bir vaziyat yaratish yoki standart vaziyat yuzaga keltirish uchun vaqtimiz qolmadi. Juda kech edi. Stadion biz bilan birga edi, biz ham tayyor edik, lekin «PSJ» jarima maydonchasi ichida bizga sovuqqonlik va vaziyatlardan foydalanish yetishmadi», — dedi Noyer DAZN nashriga.
