«Bavariya»ning sobiq futbolchisi Ouen Xargrivz Chempionlar ligasi finalida «Arsenal»ning «PSJ» ustidan g‘alaba qozonish imkoniyatlarini yuqori baholadi.
«Shubhasiz, «Arsenal»da imkoniyat bor. Ulardagi mavjud himoya chizig‘i va darvozabon bilan — ular shunchaki ajoyib. Rays tayanch yarim himoyasi pozisiyasida ko‘ngildagidek o‘ynayapti. Bu juda qiziq bo‘ladi. «PSJ» «Bavariya»ga qarshi kechgan javob o‘yinidagiga qaraganda hujumkorroq o‘yin ko‘rsatadi.
«Arsenal»da so‘nggi haftalarda pasayish kuzatilgandi, ammo hozir ular o‘zlariga ishonishmoqda. Saka muhim pallalarda kerakli gollari bilan safga qaytdi. Ular «PSJ»ni mag‘lub eta olishadi — shunchaki bunga ishonishlari kerak», — dedi Xargrivz TNT Sports efirida.
Eslatib o‘tamiz, Chempionlar ligasi finali 30 may kuni Budapeshtda bo‘lib o‘tadi.
