«Barselona» shu yozda Chempionship vakili «Birmingem» bilan o‘rtoqlik uchrashuvi o‘tkazishni rejalashtirmoqda.
Yangi mavsumga tayyorgarlik doirasida kataloniyaliklar Angliya terma jamoasining Berton-apon-Trent shahrida joylashgan mashg‘ulot markazida taxminan ikki hafta vaqt o‘tkazishadi. «Barselona» u yerga 27 iyul kuni yetib borishi kutilmoqda. «Birmingem»ga qarshi o‘yinning aniq sanasi hozircha belgilanmagan.
Xansi Flik jamoasi Angliyadagi yig‘indan so‘ng yana ikkita nazorat o‘yini o‘tkazishi rejalashtirilgan:
Birinchisi — Keniya poytaxti Nayrobida;
Ikkinchisi — Marokashda bo‘lib o‘tadi.
Ta’kidlanishicha, JCH-2026 sababli «Barselona» bu yil to‘liq formatdagi xorijiy turneni amalga oshirmaydi.
