«Bavariya» yarim himoyachisi Leon Goreska tez orada «Milan» futbolchisiga aylanadi, deb xabar bermoqda ESPN jurnalisti Xavyer Rodriges Paskual.

Manbaning ma’lumotiga ko‘ra, «Milan» 31 yoshli germaniyalik futbolchining transferini yakunlashga yaqin turibdi. Goreskaning myunxenliklar bilan shartnomasi shu yozda nihoyasiga yetadi. Yanvar oyida «Bavariya» uning mavsum yakunida jamoani tark etishini e’lon qilgan edi.

Goreska 2018 yilning yozida «Shalke»dan «Bavariya»ga o‘tgan edi. Joriy mavsumda 31 yoshli nemis futbolchisi barcha turnirlarda 45 ta o‘yinda maydonga tushib, 5 ta gol urdi va 4 ta golli uzatmani amalga oshirdi.