«Manchester Yunayted»ning sobiq futbolchisi Roy Kin Maykl Kerrikning murabbiylik qobiliyatiga yana bir bor shubha bildirdi. Jamoa ingliz murabbiyi qo‘l ostida mavsumning ikkinchi yarmida muvaffaqiyatga erishdi.
«Tasavvur qiling, siz Pep Gvardiola yoki Mikel Artetasiz. Tatildasiz, yaxtangizda dam olyapsiz va to‘satdan Kerrikning «Manchester Yunayted» murabbiyi bo‘lib qolishi haqidagi xabarni ko‘rib qoldingiz. Bu sizni qo‘rqitadi deb o‘ylaysizmi? Menimcha, yo‘q. Adashayotgan bo‘lishimni xohlardim, lekin yaqin ikki-uch yil ichida Mayklni «MYU» murabbiyi sifatida ko‘rmayapman. Jamoaga raqiblarni asabiylashtiradigan obro‘li mutaxassis kerak», — dedi Kin The Overlap bilan suhbatda.
Maykl Kerrik yanvar oyida Ruben Amorimning o‘rnini egallagan edi.













