Kanada terma jamoasi a’zosi Ismael Kone o‘z jamoasi bosh murabbiyining Roberto De Dzerbi bilan bog‘liq keskin fikrlariga munosabat bildirdi. Italiyalik mutaxassis yaqin-yaqingacha «Marsel»da Kone bilan birga ishlagan edi.

«Ikkalamiz ham futbolni sevamiz, lekin qarashlarimiz turlicha. U o‘yinga chin dildan berilgan inson. O‘sha paytlarda menda ba’zi qiyinchiliklar bo‘lgan va u xohlagan narsani darhol bera olmagandirman. «Marsel»da yaxshi vaqt o‘tkazdim, bu ajoyib tajriba bo‘ldi. U yerda boshdan kechirganlarim uchun doim minnatdorman, garchi hammasi men umid qilgandek bo‘lmagan bo‘lsa-da», — deya Konening so‘zlarini keltiradi La Gazzetta dello Sport.

«Marsel»ni tark etgach, Kone «Sassuolo»ga o‘tdi. 23 yoshli futbolchi joriy mavsumda Seriya A doirasida 32 ta o‘yinda va Italiya Kubogidagi 1 ta bahsda maydonga tushib, o‘z hisobiga 6 ta gol yozdirib qo‘ydi.