Канада терма жамоаси аъзоси Исмаэль Коне ўз жамоаси бош мураббийининг Роберто Де Дзерби билан боғлиқ кескин фикрларига муносабат билдирди. Италиялик мутахассис яқин-яқингача «Марсель»да Коне билан бирга ишлаган эди.

«Иккаламиз ҳам футболни севамиз, лекин қарашларимиз турлича. У ўйинга чин дилдан берилган инсон. Ўша пайтларда менда баъзи қийинчиликлар бўлган ва у хоҳлаган нарсани дарҳол бера олмагандирман. «Марсель»да яхши вақт ўтказдим, бу ажойиб тажриба бўлди. У ерда бошдан кечирганларим учун доим миннатдорман, гарчи ҳаммаси мен умид қилгандек бўлмаган бўлса-да», — дея Коненинг сўзларини келтиради La Gazzetta dello Sport.

«Марсель»ни тарк этгач, Коне «Сассуоло»га ўтди. 23 ёшли футболчи жорий мавсумда Серия А доирасида 32 та ўйинда ва Италия Кубогидаги 1 та баҳсда майдонга тушиб, ўз ҳисобига 6 та гол ёздириб қўйди.