Yaqinlashib kelayotgan yozgi transfer oynasida Myunxenning «Bavariya» klubi qanot hujumchisini sotib olmoqchi Germaniya chempioni rahbariyati allaqachon turli variantlarni ko‘rib chiqishni boshlagan.
Jurnalist Florian Plettenbergning xabar berishicha, sotib olish uchun asosiy nomzod «PSJ» sharafini himoya qilayotgan fransiyalik vinger Bredli Barkolya bo‘lib turibdi.
Shu bilan birga, «Bavariya» rahbariyatining ro‘yxatida boshqa nomlar ham bor:
Niko Uilyams («Atletik»)
Rafael Leau («Milan»)
Kodi Gakpo («Liverpul»)
Kaoru Mitoma («Brayton»)
Avvalroq OAVda Barkolyaga «Barselona», «Liverpul» va «Arsenal» tomonidan ham qiziqish borligi haqida ma’lumotlar paydo bo‘lgan edi.
Joriy mavsumda 23 yoshli hujumchi parijliklar safida barcha turnirlarda 45 ta o‘yinda ishtirok etib, 12 ta gol urdi va 7 ta golli uzatmani amalga oshirdi. Uning «PSJ» bilan shartnomasi 2028 yilda yakuniga etadi.
