Яқинлашиб келаётган ёзги трансфер ойнасида Мюнхеннинг «Бавария» клуби қанот ҳужумчисини сотиб олмоқчи Германия чемпиони раҳбарияти аллақачон турли вариантларни кўриб чиқишни бошлаган.

Журналист Флориан Плеттенбергнинг хабар беришича, сотиб олиш учун асосий номзод «ПСЖ» шарафини ҳимоя қилаётган франциялик вингер Брэдли Барколья бўлиб турибди.

Шу билан бирга, «Бавария» раҳбариятининг рўйхатида бошқа номлар ҳам бор:

Нико Уильямс («Атлетик»)

Рафаэл Леау («Милан»)

Коди Гакпо («Ливерпуль»)

Каору Митома («Брайтон»)

Аввалроқ ОАВда Баркольяга «Барселона», «Ливерпуль» ва «Арсенал» томонидан ҳам қизиқиш борлиги ҳақида маълумотлар пайдо бўлган эди.

Жорий мавсумда 23 ёшли ҳужумчи парижликлар сафида барча турнирларда 45 та ўйинда иштирок этиб, 12 та гол урди ва 7 та голли узатмани амалга оширди. Унинг «ПСЖ» билан шартномаси 2028 йилда якунига этади.