Italiyaning «Milan» klubi himoyachisi Davide Bartezagi jamoada qolishni istashini va o‘zini boshqa jamoada tasavvur qila olmasligini ma’lum qildi.
«Ilgari ham bir necha bor ta’kidlaganimdek, mening orzum — klubda iloji boricha uzoqroq vaqt qolish. Bu men hamisha to‘p surishni orzu qilgan ajoyib jamoa. «Milan» tarixining o‘zi hamma narsani aytib turibdi», — deya yosh futbolchining so‘zlaridan iqtibos keltiradi pianetamilan.it.
Eslatib o‘tamiz, hozirda «Milan» Italiya chempionati turnir jadvalida uchinchi o‘rinni egallab turibdi. Keyingi turda jamoa «Atalanta»ga qarshi maydonga tushadi.
