Италиянинг «Милан» клуби ҳимоячиси Давиде Бартезаги жамоада қолишни исташини ва ўзини бошқа жамоада тасаввур қила олмаслигини маълум қилди.
«Илгари ҳам бир неча бор таъкидлаганимдек, менинг орзум — клубда иложи борича узоқроқ вақт қолиш. Бу мен ҳамиша тўп суришни орзу қилган ажойиб жамоа. «Милан» тарихининг ўзи ҳамма нарсани айтиб турибди», — дея ёш футболчининг сўзларидан иқтибос келтиради pianetamilan.it.
Эслатиб ўтамиз, ҳозирда «Милан» Италия чемпионати турнир жадвалида учинчи ўринни эгаллаб турибди. Кейинги турда жамоа «Аталанта»га қарши майдонга тушади.
