Ispaniyaning «Elche» klubi sharafini himoya qilayotgan avstriyalik himoyachi David Affengruber transfer bozorida katta qiziqish uyg‘otmoqda. Bu haqda insayder Florian Plettenberg o‘z ijtimoiy tarmoqlarida xabar tarqatdi.

25 yoshli futbolchining xizmatlariga «Manchester Yunayted», «Milan», Turinning «Yuventus» klubi, shuningdek, Madridning «Atletiko» va «Sevilya» jamoalari jiddiy qiziqish bildirmoqda. Hozirda futbolchining bozor qiymati 9 million yevroga baholanmoqda.

Affengruberning «Elche» bilan amaldagi shartnomasi 2027 yilning iyun oyi yakuniga qadar mo‘ljallangan. Joriy mavsumda avstriyalik himoyachi La Liga doirasida 33 ta uchrashuvda maydonga tushib, o‘z hisobiga bitta gol va bitta golli uzatma yozdirib qo‘ydi. Shuningdek, u mavsum davomida 6 ta sariq va bitta qizil kartochka olgan.