Испаниянинг «Эльче» клуби шарафини ҳимоя қилаётган австриялик ҳимоячи Давид Аффенгрубер трансфер бозорида катта қизиқиш уйғотмоқда. Бу ҳақда инсайдер Флориан Плеттенберг ўз ижтимоий тармоқларида хабар тарқатди.
25 ёшли футболчининг хизматларига «Манчестер Юнайтед», «Милан», Туриннинг «Ювентус» клуби, шунингдек, Мадриднинг «Атлетико» ва «Севилья» жамоалари жиддий қизиқиш билдирмоқда. Ҳозирда футболчининг бозор қиймати 9 миллион еврога баҳоланмоқда.
Аффенгрубернинг «Эльче» билан амалдаги шартномаси 2027 йилнинг июнь ойи якунига қадар мўлжалланган. Жорий мавсумда австриялик ҳимоячи Ла Лига доирасида 33 та учрашувда майдонга тушиб, ўз ҳисобига битта гол ва битта голли узатма ёздириб қўйди. Шунингдек, у мавсум давомида 6 та сариқ ва битта қизил карточка олган.
