«Benfika» bosh murabbiyi Joze Mourinyo sobiq shogirdi Nikolo Dzanyoloning u haqidagi fikrlariga munosabat bildirdi. Avvalroq «Roma»ning sobiq a’zosi Mourinyoni o‘yinlar rivojini oldindan ko‘ra bilish qobiliyatiga ega ekanini ta’kidlagan edi.
«Deyarli shunday. Konferensiyalar ligasi finalida «Feyenoord»ga qarshi bahs oldidan Dzanyolo g‘alaba golini urishini bashorat qilganim yodimda. Yakunda hammasi men aytganidek bo‘ldi», — deya Mourinyoning so‘zlarini keltirmoqda Goal portali Sport Week nashriga tayanib.
Eslatib o‘tamiz, 2022 yilgi Konferensiyalar ligasi finalida «Roma» Dzanyoloning yagona goli evaziga «Feyenoord»ni mag‘lub etib (1:0), bosh sovringa ega chiqqan edi.
