«Бенфика» бош мураббийи Жозе Моуриньо собиқ шогирди Николо Дзаньолонинг у ҳақидаги фикрларига муносабат билдирди. Аввалроқ «Рома»нинг собиқ аъзоси Моуриньони ўйинлар ривожини олдиндан кўра билиш қобилиятига эга эканини таъкидлаган эди.
«Деярли шундай. Конференциялар лигаси финалида «Фейеноорд»га қарши баҳс олдидан Дзаньоло ғалаба голини уришини башорат қилганим ёдимда. Якунда ҳаммаси мен айтганидек бўлди», — дея Моуриньонинг сўзларини келтирмоқда Goal портали Sport Week нашрига таяниб.
Эслатиб ўтамиз, 2022 йилги Конференциялар лигаси финалида «Рома» Дзаньолонинг ягона голи эвазига «Фейеноорд»ни мағлуб этиб (1:0), бош совринга эга чиққан эди.
