«Barselona» bosh murabbiyi Xans-Diter Flik «el-klasiko» oldidan o‘tkazilgan matbuot anjumanida raqib jamoadagi ichki muhit haqidagi savolga javob qaytardi.
Jurnalistlar murabbiyning avvalroq aytgan «xudbinlik muvaffaqiyatni o‘ldiradi» degan so‘zlarini eslatib, bu holat ayni damda «Real»da kuzatilayotgani yoki yo‘qligi bilan qiziqishdi.
«Men «Real» va u yerda nimalar sodir bo‘layotgani haqida gapirishni istamayman — bu mening ishim emas. Ammo shunisi haqiqat-ki, hamma narsa jamoa va «biz» tushunchasi atrofida qurilishi kerak. Mening nuqtai nazarimcha, eng muhimi mana shu», — dedi Flik.
