Germaniya Bundesligasining 33-turida "RB Leypsig" jamoasi "Sankt-Pauli" ustidan 2:1 hisobida g‘alaba qozondi. Uchrashuvda mezbonlar yetakchilaridan biri Kristof Baumgartner golli uzatmani amalga oshirdi.
Bu avstriyalik futbolchi uchun joriy mavsumdagi sakkizinchi assist bo‘ldi. Shu tariqa, Kristof mavsum davomida gol+pas tizimida o‘z ochkolarini 21 taga (13 ta gol va 8 ta uzatma) yetkazib oldi. Bu natija Bundesligada to‘p surgan avstriyalik futbolchilar uchun mutlaq rekordning takrorlanishi hisoblanadi.
Statistik ma’lumotlar to‘plana boshlagan davrdan beri bunday ko‘rsatkich faqat ikki marta qayd etilgan: 2011/2012 yilgi mavsumda Martin Xarnik hamda 2020/2021 yilgi mavsumda Sasha Kalayjich 21 ta samarali harakatni amalga oshirgan edi.
