Германия Бундеслигасининг 33-турида "РБ Лейпциг" жамоаси "Санкт-Паули" устидан 2:1 ҳисобида ғалаба қозонди. Учрашувда мезбонлар етакчиларидан бири Кристоф Баумгартнер голли узатмани амалга оширди.
Бу австриялик футболчи учун жорий мавсумдаги саккизинчи ассист бўлди. Шу тариқа, Кристоф мавсум давомида гол+пас тизимида ўз очколарини 21 тага (13 та гол ва 8 та узатма) етказиб олди. Бу натижа Бундеслигада тўп сурган австриялик футболчилар учун мутлақ рекорднинг такрорланиши ҳисобланади.
Статистик маълумотлар тўплана бошлаган даврдан бери бундай кўрсаткич фақат икки марта қайд этилган: 2011/2012 йилги мавсумда Мартин Харник ҳамда 2020/2021 йилги мавсумда Саша Калайжич 21 та самарали ҳаракатни амалга оширган эди.
