«Manchester Siti» bosh murabbiyi Xosep Gvardiola Angliya chempionatining 36-turidan o‘rin olgan «Brentford»ga qarshi uchrashuvdan (3:0) so‘ng Fil Fodenning yangi pozisiyadagi o‘yini haqida fikr bildirdi.
Ushbu bahsda Foden uchun odatiy bo‘lmagan tayanch yarim himoyasi hududida harakat qildi. Gvardiola futbolchining sa’y-harakatlarini alohida e’tirof etdi.
«Bu u uchun noodatiy vaziyat edi. U juda katta hajmdagi ishni bajardi va to‘pni nazorat qilishimizda bizga katta yordam berdi. Filda ajoyib iqtidor bor. U ikkita gol urishi ham mumkin edi. Biz maydonda ko‘p yillardan beri bilgan o‘sha haqiqiy Fodenni ko‘rdik», — deya murabbiyning so‘zlarini keltirmoqda City Report.
Ma’lumot uchun, 25 yoshli Foden joriy mavsumda barcha musobaqalarda 47 ta o‘yinda maydonga tushib, 10 ta gol va 5 ta golli uzatmaga mualliflik qildi.
