«Манчестер Сити» бош мураббийи Хосеп Гвардиола Англия чемпионатининг 36-туридан ўрин олган «Брентфорд»га қарши учрашувдан (3:0) сўнг Фил Фоденнинг янги позициядаги ўйини ҳақида фикр билдирди.

Ушбу баҳсда Фоден учун одатий бўлмаган таянч ярим ҳимояси ҳудудида ҳаракат қилди. Гвардиола футболчининг саъй-ҳаракатларини алоҳида эътироф этди.

«Бу у учун ноодатий вазият эди. У жуда катта ҳажмдаги ишни бажарди ва тўпни назорат қилишимизда бизга катта ёрдам берди. Филда ажойиб иқтидор бор. У иккита гол уриши ҳам мумкин эди. Биз майдонда кўп йиллардан бери билган ўша ҳақиқий Фоденни кўрдик», — дея мураббийнинг сўзларини келтирмоқда City Report.

Маълумот учун, 25 ёшли Фоден жорий мавсумда барча мусобақаларда 47 та ўйинда майдонга тушиб, 10 та гол ва 5 та голли узатмага муаллифлик қилди.