«Barselona» «El-Klasiko»da g‘alaba qozonib, muddatidan oldin Ispaniya chempioniga aylandi. «Ko‘k-anorranglilar» «Kamp Nou»da Markus Reshford va Ferran Torresning 9 va 18-daqiqalarda urgan gollari evaziga Madridning «Real» klubini mag‘lub etdi.
Xans-Diter Flik jamoasi mavsum yakunlanishiga uch tur qolganda «qaymoqranglilar»ni 14 ochkoga ortda qoldirmoqda. Germaniyalik mutaxassisning so‘zlariga ko‘ra, jamoada qolgan o‘yinlar uchun ham motivasiya yetarli.
«Biz La Ligada 100 ochko jamg‘armoqchimiz. Bu bizning navbatdagi maqsadimiz», — dedi Flik «Real» ustidan qozonilgan g‘alabadan keyingi intervyusida.
Kataloniyaliklar chempionatni uch xonali ochko ko‘rsatkichi bilan yakunlashlari uchun qolgan barcha uchta uchrashuvda g‘alaba qozonishlari talab etiladi.
