Londonning «Arsenal» klubi bosh murabbiyi Mikel Arteta Premyer-liga doirasida «Vest Xem»ga qarshi kechgan bahsda yarim himoyachi Martin Subimendining zaxiraga olinishi sabablarini tushuntirib berdi.
Ispaniyalik xavbek uchrashuvning 28-daqiqasida jarohat olgan Ben Uaytning o‘rniga maydonga tushgan edi. Biroq oradan ko‘p o‘tmay, 67-daqiqada Arteta uni Kay Haversga almashtirishga qaror qildi. «Kanonirlar» Leandro Trossarning 80-daqiqada kiritgan goli evaziga minimal hisobda g‘alaba qozonishdi.
«Subimendini almashtirishga kelganda, bu qiyin qaror edi. Ammo o‘sha lahzada «Vest Xem» himoyasiga muammo tug‘dirish uchun maydonda ikkita hujumkor yarim himoyachi bo‘lishi kerakligini his qildim. Baxtimizga, bu qaror o‘z samarasini berdi», — dedi Arteta o‘yindan keyingi matbuot anjumanida.
