«Chelsi»ning sobiq futbolchisi Jo Koul London klubi shu yozda tarkibiga qo‘shib olishi kerak bo‘lgan ikki nafar o‘yinchi nomini aytdi.
«Men jamoaga kelib, darhol yordam bera oladigan tajribali futbolchilar haqida o‘ylayapman. Shunday ekan, kimlar bozorda erkin ekaniga qarash kerak, masalan, Jon Stounz kabi o‘yinchilarni nazarda tutyapman. Shuningdek, Robert Levandovski — uning shartnomasi yakunlanmoqda, bizga markaziy hujumchi kerak», — deya Koulning so‘zlaridan iqtibos keltirmoqda Metro nashri.
Eslatib o‘tamiz, «Manchester Siti» himoyachisi Jon Stounz ham, «Barselona» hujumchisi Robert Levandovski ham shu yozda erkin agentga aylanishi mumkin. Shu sababli, joriy mavsum yakunlangach, ingliz va polshalik futbolchilar klubga tekinga tushishi mumkin.
